Sanaw
Sanaw bölüminde PEMU-nyň häzirki ýagdaýy boýunça statistiki maglumatlar — gatnaşyjylaryň, birikdirilen podsistemalaryň, howpsuzlyk serwerleriniň, elýeterli hyzmatlaryň we geçirilen maglumatlaryň umumy sanawy görkezilýär.
PEMU-a birikmek üçin yzygiderlik
Şertler bilen tanyşmak
Resmi ýüz tutmak
Seljermek we baha bermek
Şertleri ylalaşmak
Resminamalary taýýarlamak
Tehniki sazlamak we synagdan geçirmek
Ulgama birikdirmek
Ulgamdan peýdalanmak
Biziň gatnaşyjylarymyz
Türkmenistanyň Döwlet Migrasiýa gullugy
Türkmenistanyň Statistika baradaky döwlet komiteti
Türkmenistanyň Döwlet Gümrük gullugy
Türkmenistanyň Oba hojalyk ministrligi
Türkmenistanyň Saglygy goraýyş we derman senagaty ministrligi
Türkmenistanyň Maliýe we Ykdysadyýet ministrligi
Türkmenistanyň Adalat ministrligi
Türkmenistanyň Daşary işler ministrligi
Türkmenistanyň Içeri işler ministrligi
Türkmenistanyň Zähmet we ilaty durmuş taýdan goramak ministrligi
Aşgabat şäher häkimligi
Türkmenistanyň Döwlet haryt-çig mal biržasy
Türkmenistanyñ "Halkbank" paýdarlar täjirçilik banky
Türkmenistanyň Energetika Ministrligi "Türkmenenergo" Döwlet Elektroenergetika Korporasiýasy "Döwletenergogözegçilik" kärhanasy
Habarlar
Hemmesi
«Awaza» milli syýahatçylyk zolagynda 5G ulgamy işe girizildi
14/10/2026Garaşsyz Döwletleriň Arkalaşygynyň (GDA) döwlet Baştutanlarynyň Geňeşiniň mejlisiniň öňüsyrasynda «Awaza» milli syýahatçylyk zolagynda bäşinji nesil ykjam aragatnaşyk ulgamy — 5G işe girizildi. Täze tehnologiýa halkara çäreleriniň geçirilýän döwründe ýokary tizlikli internet elýeterliligini üpjün etdi. Indi bolsa ol şypahana zolagyna gelýän myhmanlaryň we dynç alýanlaryň sanly hyzmatlara bolan isleglerini kanagatlandyrmaga hyzmat eder.«Awaza» milli syýahatçylyk zolagynda döwrebap telekommunikasiýa infrastrukturasynyň ösdürilmegi Türkmenistanda sanly hyzmatlary kämilleşdirmek boýunça alnyp barylýan işleriň bir bölegine öwrüldi. 5G tehnologiýasynyň ornaşdyrylmagy dürli ýurtlaryň wekillerini bir ýere jemlän halkara duşuşyklarynyň geçirilýän günlerinde durnukly internet birikmesini, maglumatlary geçirmegi we döwrebap onlaýn hyzmatlardan peýdalanmagy üçin goşmaça mümkinçilikleri döretdi.Telekommunikasiýa infrastrukturasyny ösdürmek we aragatnaşygyň öňdebaryjy tehnologiýalaryny ornaşdyrmak boýunça işler Türkmenistanyň Aragatnaşyk ministrligi tarapyndan alnyp barylýar. Ministrlik sanly aragatnaşyk mümkinçiliklerini yzygiderli giňeldýär, hyzmatlaryň hilini ýokarlandyrýar hem-de ýurdumyzyň dürli sebitlerinde döwrebap tehnologiýalardan has giňden peýdalanmak üçin şertleri döredýär.Halkara çäreler tamamlanandan soň hem 5G ulgamy «Awaza» milli syýahatçylyk zolagynda işlemegini dowam etdirýär we dynç alýanlary ýokary tizlikli ykjam internet bilen üpjün eder. Bu bolsa dynç alyşy guramakda, aragatnaşyk saklamakda, sanly hyzmatlardan peýdalanmakda we syýahatdan alan täsirlerini paýlaşmakda döwrebap aragatnaşyk serişdeleriniň möhüm orun eýeleýän syýahatçylyk zolagy üçin aýratyn ähmiýete eýedir.Bäşinji nesil aragatnaşyk ulgamynyň işe girizilmegi «Awaza» milli syýahatçylyk zolagynyň sanly infrastrukturasyny ösdürmekde ýene bir möhüm ädim boldy. Bu başlangyç onuň diňe bir halkara çärelerini geçirmek üçin meýdança hökmünde däl, eýsem döwrebap syýahatçylyk zolagy hökmünde hem mümkinçiliklerini pugtalandyrýar.Bu işler hormatly Prezidentimiz Serdar Berdimuhamedowyñ baştutanlygynda hem-de türkmen halkynyň Milli Lideri, Türkmenistanyñ Halk Maslahatynyň Başlygy Gahryman Arkadagymyzyň öňdengörüjilikli başlangyçlary esasynda ýurdumyzda sanly ykdysadyýeti ösdürmek, aragatnaşyk ulgamyny döwrebaplaşdyrmak we öňdebaryjy tehnologiýalary giňden ornaşdyrmak boýunça alnyp barylýan işleriň aýdyň netijesidir.
Türkmenistanyň Aragatnaşyk ministrligi wirtual aktiwler bazary üçin torlary döwrebaplaşdyrýar
02/10/2026Türkmenistanyň Aragatnaşyk ministrligi ýurduň wirtual aktiwleri düzgünleşdirmek we maýning tehnologiýasyny ornaşdyrmak boýunça işleriniň esasy binýadyna öwrüljek telekommunikasiýa infrastrukturasyny döwrebaplaşdyrmak boýunça işleri alyp barýar. Bu barada Türkmenistanyň Maýa goýum forumynda (TIF-2026) çykyş eden Aragatnaşyk ministriniň orunbasary Berdimyrat Berdiýew aýtdy.Aragatnaşyk ministriniň orunbasarynyň sözlerine görä, blokçeýn tehnologiýalary we wirtual aktiwler ýaly maliýe gurallaryny ornaşdyrmagyň esasy binýady ýokary öndürijilikli, ygtybarly we howpsuz telekommunikasiýa infrastrukturasydyr. Ol Türkmenistanda «Wirtual aktiwler hakynda» Kanunyň kabul edilendigini we wirtual aktiwleri düzgünleşdirmek hem-de maýning tehnologiýasyny 2026–2030-njy ýyllarda ornaşdyrmak boýunça «Ýol kartasynyň» tassyklanandygyny ýatlatdy.Berdyýew bu ugurdaky döwlet syýasatynyň birnäçe edaranyň arasynda paýlanandygyny düşündirdi. Merkezi bank maliýe bazaryny düzgünleşdirýär we kripto biržalaryna ygtyýarnama berýär, Energetika ministrligi senagat derejesindäki maýning üçin nyrh we energetika syýasatyny kesgitleýär, Maliýe we ykdysadyýet ministrligi bolsa maliýe monitoringini üpjün edýär.Onuň sözlerine görä, Aragatnaşyk ministrliginiň jogapkärçilik çägine üç esasy ugur girýär: maglumatlary gaýtadan işleýän merkezleri, maýning pullaryny we wirtual aktiwleri alyş-çalyş etmek boýunça ygtyýarly operatorlary ýokary tizlikli aragatnaşyk kanallary bilen üpjün etmek; maliýe torlarynyň möhüm maglumat infrastrukturasyny kiber howplardan we DDoS hüjümlerinden goramagy öz içine alýan maglumat howpsuzlygyny üpjün etmek; şeýle hem maglumat howpsuzlygynyň we maglumatlaryň özygtyýarlylygynyň standartlaryny berjaý etmek bilen milli maglumat geçiriş torlaryny halkara sanly giňişlige birleşdirmek.Aragatnaşyk ministriniň orunbasary blokçeýn tehnologiýasynyň we wirtual aktiwler bilen geçirilýän amallaryň aragatnaşygyň hiline ýokary talaplary bildirýändigini belledi. Bu ugurda iň pes gijikdirmeler, enjamlaryň bökdençsiz işlemegi we aragatnaşyk kanallarynyň ätiýaçlandyrylmagy aýratyn möhüm bolup durýar. Şunuň bilen baglylykda, ministrlik süýüm-optiki aragatnaşyk liniýalaryny döwrebaplaşdyrýar, magistral torlaryň geçirijilik ukybyny artdyrýar we häzirki zaman marşrutlaşdyryş enjamlaryny ornaşdyrýar. «Sanly maliýe we finteh ulgamynda işleýän ýerli we halkara maýadarlaryň durnukly hem-de goragly telekommunikasiýa gurşawyna daýanmagy üçin ähli zerur şertler döredilýär» — diýip, ol aýtdy.Berdyýew kiberhowpsuzlyk meselelerine hem aýratyn üns berdi. Onuň sözlerine görä, ministrlik trafigi gözegçilikde saklaýyş ulgamlaryny güýçlendirmäge, kiberjenaýatçylyga garşy göreş boýunça degişli edaralar bilen hyzmatdaşlyga we öňdebaryjy şifrleme protokollaryny ornaşdyrmaga ilkinji derejeli ähmiýet berýär. «Milli maglumat giňişliginiň howpsuzlygy maýadarlaryň ynamynyň we Türkmenistanyň tutuş maliýe-ykdysady ulgamynyň durnuklylygynyň kepilidir» — diýip, ol nygtady.Aragatnaşyk ministriniň orunbasary hünärmenleri, tehnologiýa kompaniýalarynyň wekillerini we maýadarlary «Türkmentel-2026» atly halkara sergä we ylmy maslahata gatnaşmaga çagyrdy. Ol Aragatnaşyk ministrliginiň konstruktiw dialoga, tehnologik hyzmatdaşlyga we sanly infrastrukturany ösdürmäge maýa goýumlaryny çekmäge açykdygyny belledi.Türkmenistanyň Maýa goýum forumy (TIF-2026) 1–2-nji oktýabrda Aşgabatda geçirilýär. Oňa 50 döwletden 750-den gowrak wekil gatnaşýar. Forumda energetika we nebithimiýa, ulag geçelgeleri we Hazar sebiti, sanly ykdysadyýet we emeli aň, oba hojalygy işewürligi, syýahatçylyk, şäher infrastrukturasynyň ösüşi we suw serişdeleri ýaly meseleler ara alnyp maslahatlaşylýar.
Türkmenistan «C5+1» sanly innowasiýalar maslahatyna gatnaşdy
02/10/2026Türkmenistanyň aragatnaşyk ministriniň orunbasary Ý. Gulmämmedowyň ýolbaşçylygyndaky wekiliýet 2026-njy ýylyň 29-njy sentýabrynda Astanada geçirilen «C5+1» formatyndaky sanly innowasiýalar maslahatyna gatnaşdy. Çäre Merkezi Aziýa ýurtlary bilen Amerikanyň Birleşen Ştatlarynyň arasyndaky köptaraplaýyn hyzmatdaşlygyň çäklerinde geçirildi. Maslahata Merkezi Aziýa ýurtlarynyň we ABŞ-nyň degişli döwlet edaralarynyň ýolbaşçylary hem-de wekilleri, şeýle hem DFC, CRDF Global, CIPE we CLDP ýaly hyzmatdaş guramalaryň wekilleri gatnaşdy.Hususy pudak we halkara bilermenler jemgyýeti tarapyndan Meta, Oracle, Honeywell Technologies, Wabtec, McKinsey, EPAM, Plug and Play we Alchemist Accelerator ýaly kompaniýalar hem-de guramalar öz tejribelerini we häzirki zaman tehnologik çözgütlerini hödürlediler. Astana maslahaty sanly özgertmeleri diňe tehnologik täzeleniş hökmünde däl, eýsem ykdysady ösüş, maglumat howpsuzlygy we halkara hyzmatdaşlyk bilen gönüden-göni baglanyşykly giň ugur hökmünde ara alyp maslahatlaşmaga mümkinçilik berdi. Maslahatyň gün tertibinde emeli aň we sanly innowasiýalar aýratyn orun eýeledi.Maslahatyň açylyş dabarasynda türkmen wekiliýeti Türkmenistanda sanly ykdysadyýeti ösdürmek, häzirki zaman sanly tehnologiýalary ornaşdyrmak, degişli başlangyçlary durmuşa geçirmek we bu ugurda gazanylan netijeler barada maglumat berdi. Şeýle hem sanly ösüşiň geljekki ileri tutulýan ugurlaryna aýratyn üns çekildi.Gatnaşyjylar bu ugurlarda hyzmatdaşlygy giňeltmegiň we hyzmatdaşlyk gatnaşyklaryny pugtalandyrmagyň mümkinçilikleri boýunça hem pikir alyşdylar.
Türkmenistan we sebitiň ýurtlary ABŞ bilen emeli aňyň, maglumat merkezleriniň we sanly hyzmatlaryň ösüşini maslahatlaşýarlar
30/09/202630-njy sentýabrda Astanada Emeli aňyň (EA) ösüşine we Merkezi Aziýa ýurtlarynyň (Gazagystan, Gyrgyzystan, Täjigistan, Türkmenistan, Özbegistan) hem-de ABŞ-nyň arasyndaky sanly hyzmatdaşlyga bagyşlanan «C5+1 SI Conference» maslahatynyň ikinji güni geçirilýär. Forum 29-njy sentýabrda «Hilton Astana» myhmanhanasynda açyldy we döwlet edaralarynyň, tehnologiýa kompaniýalarynyň we hünärmenleriň wekillerini bir ýere jemledi.Maksatnama laýyklykda, birinji günde gatnaşyjylar emeli aňyň we sanly infrastrukturanyň ösüşini, EA ulgamyndaky milli strategiýalary, sanly özgerişleri hem-de howpsuz aragatnaşygy, şeýle hem emeli aňyň oba hojalygynda, energetikada, logistikada we möhüm minerallar pudagynda ulanylyşyny maslahatlaşdylar.Ikinji gün sanly ykdysadyýet üçin hünärmenleri taýýarlamaga, EA-startaplara, wençur maýa goýumlaryna hem-de uniwersitetleriň we barlag merkezleriniň hyzmatdaşlygyna bagyşlanýar. «Silkroad Innovation Hub» we MIT-niň aýratyn sessiýasy Merkezi Aziýanyň emeli aňyň ornaşdyrmaga taýýarlygyna seredip geçýär. Şeýle hem gün tertibinde serhetüsti maglumat çalşygy we sanly söwda bar. Maslahat Merkezi Aziýa ýurtlarynyň wekiliýet baştutanlarynyň ileri tutulýan ugurlar we geljekki ädimler baradaky çekişmesi, şeýle hem sebitiň we ABŞ-nyň emeli aň hem-de täze tehnologiýalar ulgamyndaky hyzmatdaşlygynyň geljegi baradaky sessiýa bilen tamamlanar.Tehnologik ileri tutulýan ugurlar ykdysady hyzmatdaşlyk babatda «C5+1» Bilelikdäki beýannamasynda berkidildi. Resminama IT-startaplary goldamagy, EA boýunça barlaglarda we bilimde hyzmatdaşlygy, sanly hyzmatlary, telekommunikasiýa infrastrukturasyny we maglumatlary işlemek merkezlerini ösdürmegi göz öňünde tutýar.«C5+1» formaty 2015-nji ýyldan bäri Merkezi Aziýa we ABŞ-nyň arasynda ykdysadyýet, howpsuzlyk we sebitara özara hyzmatdaşlyk meseleleri boýunça dialog meýdançasy hökmünde hereket edýär.
Köp soralýan soraglar
PEMU näme?
−PEMU — ähli döwlet edaralarynyň awtomatlaşdyrylan elektron maglumat binýatlar ulgamynyň ýeke-täk bir bitewi awtomatlaşdyrylan elektron maglumatlar binýatlar ulgamynyň gurşawyna birikmegini üpjün edýän ulgam.
