Habarlar
Türkmenistanyň aragatnaşyk ministri Şanhaýda geçirilen emeli aň boýunça maslahatda çykyş etdi
Türkmenistanyň aragatnaşyk ministri Hajymyrat Hudaýgulyýew 17–20-nji iýul aralygynda Şanhaý şäherinde geçirilýän Bütindünýä emeli aň boýunça maslahatyň (WAIC 2026) çäklerinde ýurduň Emeli aň boýunça milli strategiýasyny işläp taýýarlamak ugrunda işjeň iş alyp barýandygyny aýtdy. Onuň bellemegine görä, bu resminama innowasiýalary ornaşdyrmak, ýokary hünärli işgärleri taýýarlamak we ylmy-barlag işlerini ösdürmek üçin esasy binýat bolar.«Ýagty geljek üçin emeli aň ulgamynda hyzmatdaşlyk» atly forumda çykyş eden Hudaýgulyýew Prezident Serdar Berdimuhamedowyň baştutanlygynda ýurtda sanly özgertmeler boýunça döwlet syýasatynyň yzygiderli durmuşa geçirilýändigini aýtdy. Onuň sözlerine görä, bu ugurda infrastruktura döwrebaplaşdyrylýar, sanly ykdysadyýet ösdürilýär we kadalaşdyryjy-hukuk binýady kämilleşdirilýär.Ministriň bellemegine görä, taýýarlanylýan Strategiýada halkara ülňülerine laýyklykda howpsuzlyk, etika, şahsy maglumatlaryň goragy hem-de algoritmleriň açyk-aýdyňlygy meselelerine aýratyn ähmiýet berilýär. Şeýle hem ol emeli aňyň saglygy goraýyş, bilim, ulag ulgamlaryny döwrebaplaşdyrmakda, suw serişdelerini netijeli dolandyrmakda we daşky gurşawy goramakda uly mümkinçilikleri açýandygyny nygtady.Hudaýgulyýew Türkmenistanyň sanly infrastrukturany ösdürmek, häzirki zaman maglumatlary gaýtadan işlemek merkezlerini döretmek, bilelikdäki ylmy taslamalary amala aşyrmak hem-de emeli aň tehnologiýalaryny jogapkärçilikli, howpsuz we ahlak kadalaryna laýyk ulanmagy ilerletmek ugrunda gyzyklanma bildirýän hyzmatdaşlar bilen işjeň hyzmatdaşlyga taýýardygyny mälim etdi.«Emeli aňyň geljegi hyzmatdaşlyga we umumy jogapkärçilige esaslanmalydyr. Döwletleriň, ylmy jemgyýetçiligiň we işewürligiň tagallalaryny birleşdiren ýagdaýymyzda, biz bu tehnologiýalary adamzadyň bähbidine, parahatçylygyň we howpsuzlygyň pugtalandyrylmagyna gönükdirip bileris» — diýip, ministr aýtdy we forumyň guralandygy üçin Hytaýyň Hökümetine minnetdarlyk bildirdi.
Çapar Pay упрощает оформление подписки на EKitap
Пользователи мобильного приложения Çapar Pay могут оформить и оплатить подписку на сервис EKitap непосредственно через приложение. Для этого достаточно указать номер мобильного телефона, на который зарегистрирован аккаунт в EKitap, после чего выбрать подходящий тарифный план.Пользователям доступны три варианта подписки — на 3 месяца, 6 месяцев или 1 год. Процесс оформления занимает всего несколько минут и не требует дополнительных действий.EKitap — это цифровая библиотека, объединяющая тысячи книг, новостей и статей. Сервис позволяет читать литературу как в онлайн-режиме, так и без подключения к интернету, предварительно загрузив книги на устройство. В приложении предусмотрены удобный поиск по названию, автору и жанру, возможность создавать собственные подборки, добавлять книги в избранное, а также знакомиться с новостями и публикациями о литературе и культуре.Оплата через Çapar Pay делает оформление подписки на EKitap более удобным, позволяя получить доступ к цифровой библиотеке прямо со смартфона. Мобильное приложение ÇaparPay доступно для смартфонов на базе Android и iOS. Скачать его можно в официальных магазинах приложений — Google Play и App Store. Сервис объединяет оплату коммунальных услуг, услуг связи, покупку билетов и другие цифровые сервисы в одном приложении.
Туркменистан принимает участие во Всемирной конференции по ИИ в Шанхае
С 17 по 20 июля 2026 года в Шанхае (КНР) проходит Всемирная конференция по искусственному интеллекту (WAIC 2026) и Совещание высокого уровня по глобальному управлению ИИ. В работе форума, проходящего под девизом «ИИ-партнерство ради светлого будущего», принимает участие представительная делегация Туркменистана во главе с министром связи страны Хаджымыратом Худайгулыевым. Шанхай в очередной раз стал центром притяжения мировой технологической мысли. Масштаб нынешней конференции превзошел показатели предыдущих лет: выставочная площадь составила более 100 тысяч квадратных метров, участие в форуме принимают свыше 1100 передовых компаний и порядка 1400 спикеров, ученых и государственных деятелей из разных стран мира. В церемонии открытия принял участие Председатель КНР Си Цзиньпин. Участие туркменской делегации на уровне руководства профильного министерства расценивается как последовательный шаг в реализации государственной стратегии цифровизации.«Развитие искусственного интеллекта рассматривается в нашей стране как один из ключевых стратегических приоритетов инфраструктурного уровня», — отметили в туркменской делегации.
Ýokary we orta hünär okuw mekdeplerine emeli aň bilen bagly täze ugurlar açylýar
Halkara senagatçylar we telekeçiler uniwersitetinde Bakalawr maksatnamasy boýunça emeli aň we ekspert ulgamlary taýýarlygyň ugry, Türkmenistanyň Aragatnaşyk ministrliginiň Politehniki orta hünär okuw mekdebinde emeli aň we maglumatlary seljermek hünäri täze açylar. Bu barada «Türkmenistan» gazetinde çap edilen söhbetdeşlikde habar berildi.Bellenilişi ýaly, Türkmenistanyň barha ösýän ykdysady kuwwatyny, dürli ugurlar boýunça hünärmenleriň zerurlygyny nazara alyp, 2026-2027-nji okuw ýylynda ýokary okuw mekdeplerinde täze hünärleriň we taýýarlygyň ugurlarynyň jemi 20-si açylýar.
Türkmenistanyň Aragatnaşyk ministrligi Gökderede çagalar üçin baýramçylyk çäresini gurady
Türkmenistanyň Aragatnaşyk ministrligi Gökdere jülgesinde ýerleşýän «Demirýolçy» çagalar sagaldyş-dynç alyş merkezinde dynç alýan çagalar üçin medeni çäre gurady. 9-njy iýulda ýaşajyk tomaşaçylaryň öňünde Türkmenistanyň Döwlet sirkiniň artistleri täze sahna çykyşlary bilen çykyş etdiler.Artistleriň çykyşlary çagalarda ýatdan çykmajak täsirleri galdyrdy we olara ýakymly duýgulary bagyşlady. Sirk artistleriniň ýerine ýetiren şowhunly we şadyýan çykyşlary baýramçylyk ruhuny döredip, çäräni şatlyk hem-de şowhun bilen bezedi. Çagalar artistler tarapyndan guralan dürli oýunlara we bäsleşiklere hem uly höwes bilen gatnaşdylar. Olar özlerine ynanylan keşpleri ussatlyk bilen ýerine ýetirdiler. Çagalar çalasyn hereket etmek hem-de ugurtapyjylyk başarnyklary boýunça geçirilen bäsleşiklerde güýç synanyşdylar we tomaşaçylaryň şowhunly el çarpyşmalaryna mynasyp boldular.Gökdere jülgesiniň tämiz howasynda dynç alýan çagalar tomusky dynç alyşlaryny manyly we peýdaly geçirýärler. Tebigatyň gözel künjeginde guralýan dürli medeni-dynç alyş çäreleri olaryň saglygynyň berkidilmegine, ruhubelentliginiň ýokarlanmagyna hem-de wagtyny gyzykly geçirmegine ýardam berýär.
Türkmenistanda «Sanly çözgüt — 2026» bäsleşigine gatnaşmak üçin arzalar kabul edilip başlandy
Türkmenistanyň Aragatnaşyk ministrligi ýurduň sanly ykdysadyýet ulgamynda ýaş programma üpjünçiligini işläp taýýarlaýjylary hem-de startap-başlangyçlary ýüze çykarmak we goldamak maksady bilen guralýan «Sanly çözgüt — 2026» innowasion taslamalar bäsleşiginiň başlanandygyny yglan etdi. Gatnaşyjylardan resminamalar 2026-njy ýylyň 1-nji oktýabryna çenli kabul ediler, bäsleşigiň jemleri bolsa Aşgabat şäherindäki Söwda-senagat edasynda geçiriljek «Türkmentel — 2026» halkara serginiň we ylmy maslahatyň çäklerinde jemlener.Bäsleşik Türkmenistanda sanly ykdysadyýeti ösdürmegiň 2026 – 2028-nji ýyllar üçin tassyklanylan Konsepsiýasyna laýyklykda guralýar we ol ýokary derejeli IT-hünärmenleri taýýarlamaga, şeýle hem sanlylaşdyrmak ugrunda täze startaplary işe girizmäge gönükdirilendir.Bäsleşige özbaşdak ýa-da düzüminde üç adamdan köp bolmadyk we hökman ýolbaşçysy bellenilen topar görnüşinde gatnaşyp bolýar. Bäsleşikde web-hyzmatlara, şeýle hem kompýuterler we mobil enjamlar üçin niýetlenen programma önümlerine baha berler. Şunda gatnaşyjylar öz işläp taýýarlamalarynyň kiberhowpsuzlygy barada maglumatlary bermäge we intellektual eýeçiligi goramagyň möhletlerini görkezmäge borçludyrlar. Programma üpjünçiliginiň asyl kodunyň bar bolmagy hökmany talapdyr.Taslamalara ýedi ugur boýunça serediler: emeli aň, robototehnika we awtomatlaşdyrmak, oba hojalygy üçin tehnologiýalar, «akylly şäher», bilim we elektron okuw, sanly lukmançylyk hem-de hyzmatlar ulgamy. Gelip gowşan arzalara baha bermek üçin Aragatnaşyk ministrliginiň umumy ýolbaşçylygynda wagtlaýyn topar dörediler.Her ugur boýunça ýeňijiler — birinji, ikinji we üçünji orunlary eýelänler gymmat bahaly sowgatlar we diplomlar bilen sylaglanarlar. Gatnaşyjylary hasaba almak we arzalary kabul etmek işi elektron görnüşde telecom.tm saýtynda amala aşyrylýar.
Türkmenistanda ykdysadyýetiň ähli pudaklaryna 5G tehnologiýalaryny ornaşdyrmak meýilleşdirilýär
Şu günler Türkmenistanda ykdysadyýetiň ähli ugurlaryny 5G tehnologiýasy bilen üpjün etmek boýunça zerur çäreler görülýär. Bu barada TDH habar berýär.5G ulgamynyň maglumatlary geçirijilik mümkinçiliginiň has ýokarydygyny, dünýä tejribesinde bu tehnologiýanyň «akylly» şäher we «akylly» öý ulgamlarynda giňden ulanylýandygyny bellemek gerek. Gurşap alýan çägi we degişli düzümlerdir pudaklar üçin ähmiýetlidigi bu usulyň artykmaçlygyny görkezýär. 5G ulgamynyň mümkinçiliklerini öwrenip, ony Türkmenistanyň Aragatnaşyk ministrliginiň düzümleriniň işine ornaşdyrmak we beýleki ugurlarda işjeň peýdalanmak meseleleri möhüm wezipeleriň hatarynda kesgitlenendir. Çünki Arkadag şäherinde ornaşdyrylan 5G ulgamy öz artykmaçlygyny iş ýüzünde subut etdi.Häzirki zaman 5G aragatnaşyk ulgamynyň maglumat geçirijiligi, 4G bilen deňeşdirilende, 10 essä çenli ýokarydyr. Täze tehnologiýanyň sanly ulgamyň ygtybarly we durnukly birikmelerini üpjün etmek bilen bir hatarda, önümçilik zolaklarynyň, saglygy goraýyş, bilim, senagat pudaklarynyň işiniň ilerlemegine, maglumat alyşmak işiniň tiz hem-de ygtybarly ýerine ýetirilmegine gönükdirilendigini nygtamak gerek.5G ulgamy teleýaýlymlaryň işinde-de netijeli ulanylýar. Bu innowasion tehnologiýa gepleşikleri 4K ölçegde göni ýaýlyma bermegiň, telelukmançylyk amallaryny ýokary derejede ýerine ýetirmegiň ygtybarly usuly hökmünde peýdalanylýar. Robototehnika ýaly ýokary depginde ösýän pudagyň işinde hem bu tehnologiýanyň ägirt uly ähmiýeti bardyr. Munuň özi emeli aňyň mümkinçiliklerini netijeli peýdalanmagyň hem wajyp guraly bolup hyzmat edýär.Häzirki zaman aragatnaşyk ulgamlaryny giňden ornaşdyrmak, 5G we emeli aňyň mümkinçiliklerinden netijeli peýdalanmak boýunça wezipeler «Türkmenistanda sanly ykdysadyýeti ösdürmegiň 2026 — 2028-nji ýyllar üçin Konsepsiýasynda» anyk kesgitlenendir. Häzirki zamanyň talaplaryna doly laýyk gelýän döwrebap şertler tehnologik ösüşiň hil taýdan täze derejä çykarylmagyna, elektron hyzmatlaryň görnüşleriniň giňeldilmegine, hususan-da, elektron hyzmatlaryň e-SIM görnüşini ornaşdyrmaga şert döredýär. Daşary ýurtly raýatlar ýurdua gelen wagtynda milli öýjükli operatoryň SIM kartlaryny satyn almazdan, e-SIM mobil goşundysynyň üsti bilen internet toruna päsgelçiliksiz elýeterliligi alýarlar. Bu hyzmat müşderileriň mobil telefonyna birnäçe belgini birikdirmäge mümkinçilik berýän täze usullaryň biridir.
«Sanly çözgüt – 2026» atly innowasion taslamalaryň bäsleşigi yglan ediler
«Sanly çözgüt – 2026» atly innowasion taslamalaryň bäsleşigi yglan ediler. Bu barada düýn sanly ulgam arkaly geçirilen Ministrler Kabinetiniň mejlisiniň dowamynda wise-premýer B.Annaýewiň hasabatynda bellenildi. «Watan» habarlar gepleşiginde habar berlişi ýaly, bu bäsleşigiň maksady ýurtda programma üpjünçiligini işläp düzýän we innowasion oýlap tapmalary bilen meşgullanýan ýaşlary ýüze çykarmakdan ybaratdyr. Şu gezekki geçiriljek bäsleşik emeli aň, robototehnika, awtomotizasiýa, sanly lukmançylyk, bilim we elektron okuw smart-siti, akylly oba hojalyk tehnologiýalary we hyzmatlar ulgamy ugurlary boýunça geçiriler. Onuň netijesi «Türkmentel – 2026» atly halkara serginiň we ylmy maslahatyň çäklerinde jemlener. Bäsleşige gatnaşan taslamalary ýurtda sanly ykdysadyýeti ornaşdyrmak boýunça işlerde ulanmak we milli ykdysadyýetiň dürli pudaklarynda önümçilige ornaşdyrmak boýunça depginli işler geçiriler. Şunuň bilen baglylykda, wise-premýer döwlet Baştutanynyň garamagyna degişli teklibi hödürledi.Türkmenistanyň Prezidenti hasabaty diňläp, «Sanly çözgüt – 2026» atly innowasion taslamalaryň bäsleşigini yglan etmek baradaky teklibi makullap, wise-premýere degişli işleri geçirmegi tabşyrdy.
«Çaparçylyk» hyzmaty Aşgabatda müşderilere hyzmat etmek boýunça täze nokadyny açdy
«Türkmenpoçtanyň» «Çaparçylyk hyzmaty» gullugy Aşgabadyň ýaşaýjylary üçin mümkinçiliklerini giňeltmegi dowam etdirýär — indi ýollamalary kabul etmek we gowşurmak hyzmatlaryndan peýdalanmak has-da amatly boldy. Täze hyzmat ediş nokady 5-nji poçta şahamçasynyň (744005) çäginde açyldy, bu ýerde müşderiler ugratmaly ýüklerini tiz wagtda resmileşdirip ýa-da öz salgylaryna gelen ýollamalary kabul edip bilerler.Eltip bermegiň döwrebap görnüşi Türkmenistanyň ýaşaýjylarynyň arasynda barha uly islege eýe bolýar. «Türkmenpoçta» tarapyndan hödürlenýän çaparçylyk hyzmaty «gapydan gapa» görnüşinde amatly çözgüdi hödürleýär: indi poçta şahamçasyna barmaga we nobata durmaga wagt sarp etmek gerek däl — çapar görkezilen salga baryp, ýollamany alyp gaýdar we ony bütin Türkmenistanyň islendik nokadyndaky alyja ýetirer.Müşderiler «Çaparçylyk hyzmatyny» amatlylygy, ygtybarlylygy hem-de hödürlenýän hyzmatlaryň giň gerimliligi üçin saýlaýarlar. Çaparlar ýörite taýýarlyk tapgyrlaryny geçýärler we önümleriň howpsuz hem-de öz wagtynda eltilmegini üpjün edip, her bir ýollama aýratyn üns bilen çemeleşýärler.Çapary birnäçe usul arkaly çagyrmak mümkindir: kompaniýanyň resmi post.tm saýty, (+993 12) 92 14 95 telefon belgisi, şeýle hem Google Play we App Store platformalarynda elýeterli bolan ÇaparPay ykjam goşundysy arkaly sargyt edip bilersiňiz.Ýollamalary kabul etmegiň we gowşurmagyň täze nokady 5-nji poçta şahamçasynyň çäginde, şu salgyda ýerleşýär: Aşgabat şäheri, 1-nji kiçi etrapça, Azady köçesi, 4-nji «A» jaýy. Habarlaşmak üçin telefon belgisi: 92 14 95.«Çaparçylyk hyzmaty» müşderiler üçin ýollamalary ugratmagy we kabul etmegi has çalt, elýeterli hem-de oňaýly edip, döwrebap poçta hyzmatlaryny ösdürmegini dowam etdirýär.
Arkadag şäherinde 2026-njy ýylda esasy telefon belgileriniň sany 7 müňden geçer
Arkadag şäherinde optiki-süýümli aragatnaşyk ulgamynyň işe girizilmegi netijesinde, edaralarda we ýaşaýyş jaýlarynda ýokary tizlikli internet, IP telewideniýe hem-de telefon ulgamyndan peýdalanmaga mümkinçilik döredildi. Bu barada «Türkmenistan» gazetinde habar berildi.2026-njy ýyl esasy telefon belgileriniň sany 7 müň 75 birlige, şol sanda öý telefonlarynyň sany 5 müň 290 birlige ýeter. TMCELL öýjükli aragatnaşygyň hyzmatlary bilen 4 müň 380 müşderi üpjün ediler.Şäheriň ýaşaýjylary üçin «akylly» şäher we «akylly» öý hyzmatlary, ýagny smartfonyň üsti bilen internet arkaly ýaşaýyş öýlerini uzak aralykdan dolandyrmak ýaly iň döwrebap şertler elýeter edildi. Arkadag şäheriniň ähli ýaşaýyş jaýlaryny we edaralaryny ýokary tizlikli internet bilen üpjün etmek işleri mundan beýläk-de dowam etdiriler.